Ngöbö tö dre nuainmana nie ye ñokänti mä raba gain

1. Biblia ye jondron bäri ütiäte Ngöbökwe biani. Monsotre tare rünkwe ie tä tärä tike ye erere. Tä kukwe metre niere Ngöbö yebätä nie: niara ye abokän nire bätä dre tuin kwin ie bätä dre tuin käme ie ye tä niere arato. Tä mike gare arato kukweta nakainkä nibätä ye angwane ño ni raba ja di ngwen kä ngwankäre nüke jai biti kukwe ye ükete. Ñokänti kä juto erametre ye raba kwen nie tä niere arato. Biblia ye aibe tä niere nie nikwe dre nuaindre ne kwe kämikadre juto Ngöböbätä. (Salmo 1:1-3; Isaías 48:17, 18.)

2. Ni 40 jene jene käkwe Biblia ye tikani. Tika jatani kä 1513, ja känenkäre Jesús ye känenkri. Kä nikani, 1,600 näre ta angwane namani bare. Tärä ne tä ükaninte kia kia jabätä 66 näre. Nitre tärä tikaka ye ie Ngöbö käkwe ja töi biani, Niara töi ño erere tikani, ñaka ja töi jeñe tikabare kwetre. Ne medenbätä ni Kä tibienbätä nete ñaka käkwe Biblia ye Sribebare, Ngöbö kä kwinbiti ye käkwe sribebare. (2 Timoteo 3:16, 17; 2 Pedro 1:20, 21.)

3. Ngöbö käkwe mikani gare kwin jai ne kwe Biblia ye tikadre täte metre biti ngübadre käre. Biblia ye tikanina bäri ere tärä mada ngwarbe yekrä. Mäkwe ja tötikadre Bibliabätä ye ñan käi rabai juto ni jökräbätä, akwa mä ñan ja tuametre di nekä yebätä. Ngöbö rükadre gare mäi biti mä rüe rakadrekä kärera akwa Ngöbö tö dre ie erere mäkwe nuaindi angwane, yebe köböire mä raba nüne kärekäre kä ja känenkäre yete. (Mateo 5:10-12; Juan 17:3.)

Copyright © 2009 Watch Tower Bible and Tract Society of Pennsylvania. All rights reserved.