 |
Beliefs | Future | Medical | Topics | Contact Us | Publications | Languages |
| Ino mô Raha Angahoin-Jagnahary Amintsika? | Fianaragna Faha-11  |
Raha Inoagna Avakeo Fômba Fanoigna Halan-Jagnahary |
|
 |
Karakôry raha inoagna sy fômba fanoigna zakegna fô tsy manjary? (1) |
|
Ny Kristianina mô tôkony hino fô telo mitambatra reka Zagnahary? (2) |
|
Ino mô ny antony tsy ankalazany tegna Kristianina ny Krismasy, Paka, avakeo aniversera? (3, 4) |
|
Mbôla mahefa magnano raha tsy manjary amy velogna va ny maty? (5) |
|
Tambôny lakroà mô nahafatesan’i Jesosy? (6) |
|
Zôvy le tegna tianô ampiravoagna? (7) |
1. Tsy ratsy aby ny raha inoagna sy fômba fanoigna jiaby. Izikoà fa mifanohitra amy raha ampianariny Beboly sady avy amy fivavahagna tsy marigna izy regny, vô halan-Jagnahary.—Matio 15:6. 2. Zagnahary telo mitambatra reka: Zagnahary telo mitambatra reka zegny marô i Jehovah? Tsy zegny izy! “Zagnahary reka sady marigna” Iaba Jehovah. (Jaona 17:3; Marka 12:29) Talagnolon-Janagny i Jesosy, sady ambany fahefagnany. (1 Korintianina 11:3) Ny Iaba mbôla bebe tozay ny Zanaka. (Jaona 14:28) Tsy ôlogna ny fagnahy masigna, fô hery fasen-Jagnahary.—Genesisy 1:2; Asan’ny Apostoly 2:18.
3. Krismasy amboàna Paka: Tsy teraka tamy 25 Desambra i Jesosy, fô tôkotôkony tamy 1 Oktobra. Fotoagna fiambesagna ondry tagnaty àla tamin’andro aligna taminjey. (Lioka 2:8-12) I Jesosy aby tsy nandidy velively ny kristianina hoe ‘ankalazeo ny fotoagna nahatirahako.’ Ny fotoagna nahafatesany foagna ndreka nizakeny tamy mpianagny hoe tsy mentsy tsarôvagna. (Lioka 22:19, 20) Avy tamy fivavahagna tsy marigna talôha be tagny ny Krismasy amboàna fômba fanoigna jiaby miaraka aminanjy io. Karan-jegny koà ny fômba fanoigna amy Paka, le mampiasa atody ambòana bitro regny. Ny Kristianina tamboalôhany tagny tsy nankalaza Krismasy ambòana Paka. Tsy mankalaza anjegny koà ny tegna Kristianina avahizo. 4. Aniversera: Roy foagna ny fankalazagna aniversera koragnina agnaty Beboly akô. Ôlogna samby tsy mpivavaka tamy Jehovah aby nagnano ananjy. (Genesisy 40:20-22; Marka 6:21, 22, 24-27) Tsy nankalaza aniversera ny Kristianina tagny amboalôhany tagny. Avy tamy fivavahagna tsy marigna talôha be tagny ny fômba fanoigna amy fankalazagna regny. Sambà zegny ndreka ny tegna Kristianina manjary mifagnomià fagnomezagna sady magnano fety amy fotoagna hafa angatiny tôgna. 5. Tahotra ôlo-maty: Ôlogna koà efa maty de tsisy raha efany sady tsisy raha fantany. Tsy mahefa magnano raha tsy manjary amintsika izy, sady antsika koà tsy mahefa mitahy na mifandray amin-jareo. (Salamo 146:4; Mpitoriteny 9:5, 10) Izikoà fa maty ny ôlogna de maty, fô tsisy fiegnana mitohy eky avy afarany fahafatesagna. (Ezekiela 18:4) Misy anjely tsy manjary antsôvigna hoe demonia regny indrekindreky mihambo endrik’ôlogna efa maty. Tsy manjary aby izikoà fa mety ho fômba fanoigna noho ny tahotra ny maty agnanovagna ananjy, na koà ny fômba fanoigna indôsigna hivavahagna aminanjy.—Isaia 8:19. 6. Lakroà: Tsy maty tambôny lakroà i Jesosy, fô tambôny kakazo reka mitsangagna. Vatan-kakazo reka foagna dikany teny grika hoe “lakroà” amy Beboly maro. Avy tamy fivavahagna tsy marigna talôha be tagny ny lakroà. Tsy nampiasa sady tsy nivavaka tamy lakroà ny Kristianina tamboalôhany tagny. Kale heverinô zegny fô manjary ny mampiasa lakroà amy fivavahagna?—Deoteronomia 7:26; 1 Korintianina 10:14. 7. Mety ho sarotra ialagna ny sasany amy reo raha inoagna amboàna fômba fanoigna reo. Mety hifegna mafy hizaha fômba hampieky anô tsy hiala amy raha efa ninoanô reo havanô amboàny namanô. Ny mampiravo Zagnahary anefa tegna matomboka tozay hampiravoravo ôlogna.— Ohabolana 29:25; Matio 10:36, 37. |
||||||
Nanoigna pirinty tamy 2007 |
 |
Copyright © 2009 Watch Tower Bible and Tract Society of Pennsylvania. All rights reserved. |
|
