Misa’odo’ a Misa ’Areteng to ’Orip ato ’Irang [Rmes] - Misawacayay ni Yihofa a Tamdaw: Kahicraan no lalakaw no Mikcolay

Misawacayay ni Yihofa a Tamdaw: Kahicraan no lalakaw no Mikcolay

Beliefs

Future

O Kawas Pakayni Kitaanan Iraay Ko Masamaanay a Saeli?

Saka 12 a Lalangiyan

Misa’odo’ a Misa ’Areteng to ’Orip ato ’Irang [Rmes]
	Pakayni ’orip pairaen ita ko masamaanay anoka pinengneng? (1) Pasadakay to poyapoy samaanay kora? (1)
	O Krisciyang nga’ay misamaan pa’ihkal to misinanotay cangra to sakadipayalaw no ’orip? (2)
	Mitokad to ’a’adopen o mararaway kora han? (3)
	Masamaanay waywayan tada cango’otay ko pisa’odo’ to ’orip. (4)
	Pakayni ’irang [rmes] samaanay ko sarikec no Kawas? (5)
	Mahawpay ko pacomoday to ’irang [rmes] i tireng han? (6)

1. Ci Yihofa o lalangian no ’orip. O kihcod a ’orip no ma’oripay howa dafong sahtoway o naitiniay i Kawas. (’Olic 36:9) Masakalimlaan a makapah ko ’orip sanay konoka pinengneng no Kawas to ’orip. Ora cuwaho kahofocen a poyapoy i tiyad no wina, o masakalimlaan a ’orip hananay no Kawas a minengneng kora. Itini inoka pinegneng no Kawas, padeteng saan mipatay toya lomahaday howa poyapoy, o mararaway kora.—Kasadakan 21:22,23; ’Olic 127:3.

Pakayni toha sapakahmekaw to Kawas, oha mamiconged kita pacomod to ’irang [rmes], misawad to masaknaknaay cuwaka kolac a nanaman, o romasa cuwa koha nganga’ay midmak to masakatalawan a dmak.

2. O so’linay Krisciyang tada misa ’aretengay toha sakadipayalaw no ’orip. Misinanotay cangra to paliding no niyah ato pikiloma’an iraay ko dipayal, cuwa koha sakadoka’aw no ’orip no tao. (Limo’ot 22:8) O sikawdan no Kawas cuwa koha padeteng saan mihalama to masakatalawan, toha sakapataypatay to. Misahatilaay haw i, oya padeteng sanay midoka’ to roma tamdaw a mala’odo’odotay a dmak, cuwa koha mamilienang cangra. Oha mamiliyas cangra to kihcod mirengatay toha sakala a’odo’odotaw a lawla.—’Olic 11:5; Yohani 13:35.

3. O ’orip no ’a’adopen misa ’aretengan no Kawas a misa’odo’. O Krisciyang mitokad to ’a’adopen ano o pakayniay hakakaenen anoca milifanges to hahariko’, anoca o pakayniay hasapidipotaw to niyah a mipatay cangraanan o nga’ayay to kora. (Satapangan 3:21; 9:3; Kasadakan 21:28) Kawriraan, ano o pakayniay aca toha sapihalama anoca hasakalawla no niyah, mipekpek anoca mipatay to ’a’adopen, tada o mararawayto kora.—Taneng 12:10.

4. Mitamakoay, mi’icepay, miherotay to etok, cuwako hamami dmak ko Krisciyang torira. O hatiniay waywayan cuwako matatodongay, samaanen (1) pairaay to sakahiyan no tamdaw, (2) mipalakay to tireng, (3) pakakaditay to tamdaw. (Loma 6:19; 12:1; 2 Korinto 7:1) Misawad to hatiniay nanaman haratek tada o pasangalay. Kawraan, ano miharatengay kita toha sapakahmekaw to Kawas, oha mamihaen to dmak kita.

5. O ’irang [rmes] misa ’aretengan no Kawas a minengneng. O sowal no Kawas o ’orip itiniay ilaloma’ no ’irang [rmes] sanay. Misahatilaay haw i, komaen to ’irang [rmes], o mararaway kora. O ’a’adopen ano ma’imecay ko sakapatay, anoca o matalakalay kora sakapatay, cuwa koha nganga’ay kaenen. Ora ’a’adopen ano o mipacokan anoca mikowangan, ano hakakomaen to titi nira kalikien a pahadak to ’irang [rmes] nira wanga’.—Satapangan 9:3,4; Lifi 17:13,14; Dmak 15:28,29.

6. Ano pacomod to ’irang [rmes] i tireng o mararaway kora han? Haratengn, o saeli ni Yihofa kitaanan oha mamikeceng to ’irang [rmes] sanay. Tatodong noni ora ’irang [rmes] ano o naitiniay i roma tamdaw hokila, anoca ono niyah ’irang [rmes] isalakatan mitelek hokila, cuwa koha nganga’ay pacomoden i tireng. (Dmak 21:25) Misahatilaay haw i, o so’linay Krisciyang cuwa koha mamicada to pacomoday to ’irang [rmes]. Makahiyay micada cangra to romaroma pakayraan toha sapa ising, ano patinakoen oiyaan awaay ko ’irang [rmes] a sapacosiya. Manono’ay cangra toha saka’oripaw, kawra cuwa koha mamisaflit cangra to sarikec no Kawas toha sapilidongaw aca toha saka’oripaw no niyah.—Matay 16:25.

2003 Mihca Topangen
Copyright © 2006 Watch Tower Bible and Tract Society of Pennsylvania. All rights reserved.