 |
Beliefs | Future | Medical | Topics | Contact Us | Publications | Languages |
| O Kawas Pakayni Kitaanan Iraay Ko Masamaanay a Saeli? | Saka 10 a Lalangiyan  |
O Katriiyan no Kawas a Waywayan |
|
 |
Pakayni too mararaway dmak hananay no Kawas iraay ko masamaanay anoka piharateng iso tora? (1) |
|
O masamaanay madadi’iyay waywayan o cuwako matatodongay? (2) |
|
Pakayra tora ilaeno’ay a dmak samaanay konoka pinengneng no Krisciyang: Makadaway? (3) Mipakiyaway? (3) Mitakaway? (3) Maa’odo’odotay? (4) Maanga’ngay? (5) Malasangay? (6) |
|
Oha nganga’ay misamaan ko tamdaw misawad to hatiniay waywayan? (7) |
1. O sikawdan no Kawas ma’olahay to matatodongay dmak. Kawraan oha mamihatatanam mika’inteh cangra to tati’ihay dmak. (’Olic 97:10) Ano falicen kora sowal, oha mamiliyas kita to kihcod katriiyan no Kawas a tati’ihay dmak. O masamaanay tati’ihay dmak hani? 2. Ma’odangay: Caho kararamod ira toko madadi’iyay waywayan, ma’odangay, maa’odang to ’a’adopen, maa’odang to paro no loma’, madadi’i ko fa’inayan ato fa’inayan, madadi’i ko fafahiyan ato fafahiyan, o hatilaay dmak sahtoway o micoli’ay to Kawas a tada ’aretengay a raraw. (Lifi 18:6; Loma 1:26,27; 1 Korinto 6:9,10) O fa’inayan ato fafahiyan ano caho kararamod tateko saanto, o nga’ayay oha mamalaliyas cangra, anoca raramod saanto cangra.—Hipray 13:4. 
3. Makadaway, mipakiyaway, mitakaway: Cuwaka pisakadaw ci Yihofa. (Titus 1:2) O manono’ay hoto hasapi lifokaw toha sakahmekaw no Kawas a tamdaw cuwa koha nganga’ay misakadaw. (Taneng 6:16-19; Kolosay 3:9,10) O kihcod a mipakiyaway iraay ko ’anof, misahatilaay haw i, o Krisciyang cuwa koha mamicapid to ccaccay a mipakiyaway a dmak, patinakoen o letocay, maa’ides to ’fa, pinko hananay. (Ipiso 5:3-5) O Krisciyang cuwaka pitakaw. Ano mafana’ay too mitakawan a dafong kora cuwaka padeteng saan mi’aca cangra, ano ’caka pihayi ko tamdaw cuwaka saolatekay saan miala to dafong no tao.—Kasadakan 20:15; Ifiso 4:28. 4. Mangolaway, Maa’odotay: O keter ano ’caka ’imeren, oha papa ira to ma’a’odo’odotay a dmak. (Satapangan 4:5-8) Hali’odotay a tamdaw cuwa koha nganga’ay malawidang no Kawas. (’Olic 11:5; Taneng 22:24,25) Ano o tao kora mararaway toha sakadoka’ ita, ano mi’odis tora tamdaw cuwako matatodongay.—Taneng 24:29; Loma 12:17-21. 5. Miedaway, Misalisinay ato Maanga’ngay: O roma tamdaw miharatengay toha sakanga’ayaw no adada, mikilimay to sapadama noya mali’angay ’adingo. O roma tamdaw misalisinay to ’ada, toha sakaadadaaw nangra anoca pakapatay cangraanan. O hatiniay ’icel o naitiniay ci Satanan. Misahatilaay haw i, o Krisciyang cuwa koha nganga’ay milienang to hatiniay dmak. (Limo’ot 18:9-13) Ano edawen no tao kita, o nga’ayay sadipot itiniay noka pingata ci Yihofaan.—Taneng 18:10. 
6. Malasangay: Pasalong koka komaen to futo [fadisoso’] a ^pah, pilu ato lomaloma ^pah cuwako tatiihay kora. (’Olic 104:15; 1 Timoti 5:23) Kawraan o pakidemay anoka komaen to ^pah ato malasangay dmak o mararaway kora itini noka pinengneng no Kawas. (1 Korinto 5:11-13; 1 Timoti 3:8) Ano tadaadihay komi kaenan ^pah oha mamipalak to tireng iso, hanaca oha nganga’ay pala’afo to paro no loma’ iso. Ano pakidem toko mikaenan ^pah o kakahenay kiso makayhid toha sakararawaw.—Taneng 23:20,21,29-35. 7. O tamdaw ano mananam midmak to mararaway hananay no Kawas a dmak, “cuwa koha nganga’ay micada to Hongti a Kitakit no Kawas”. (Kalatiya 5:19-21) Ano so’linay maolah kiso to Kawas, makalimay toha saka pakahmekaw Cingraanan, oha nganga’ay kiso misawad to hatiniay tati’ihay a nanaman. (1 Yohani 5:3) Mihatatanam a mika’inteh toya mararaway dmak hananay no Kawas. (Loma 12:9) Micawma’ toya iraay ko nga’ayay nanaman a mihakelongay to Kawas a tamdaw. (Taneng 13:20) Mikalacafay toya malohmay Krisciyang iraay ko ta’angayay sapadama kisowanan. (Yakop 5:14) Ora masakalimlaan i, pakaynien i satolon a mitadiec to sapadama no Kawas.—Filipi 4:6,7,13. |
2003 Mihca Topangen |
 |
Copyright © 2006 Watch Tower Bible and Tract Society of Pennsylvania. All rights reserved. |
|